Javu Che Niravani Lyrics Amarsang Bhajan
જાવું છે નિરવાણી આતમાની લિરિક્સ ગુજરાતીમાં: Javu Che Niravani is desi gujarati bhajan and lyrics of this song is written by Raj Amarsang. Many gujarati singers have sung this bhajan in santvani and lok dayaro.
જાવું છે નિરવાણી Lyrics in Gujarati
જાવું છે નિરવાણી…
આતમાની કરી લે ઓળખાણી‚
રામ‚ ચેતનહારા ચેતીને ચાલો જીવ
જાવું છે નિરવાણી રે.
માટી ભેગી માટી થાશે
પાણી ભેગું પાણી રે
કાચી કાયા તારી કામ નૈ આવે‚
થાશે ધૂળ ને ધાણી…
ચેતન…
રાજા જાશે પ્રજા જાશે
જાશે રૂપાળી રાણી રે
ઈન્દ્રના ઈન્દ્રાસન જાશે‚
બ્રહ્મા ને બ્રહ્માણી…
ચેતન…
ચૌદ ચોકડીનું રાજ જેને ઘીરે
મંદોદરી રાણી રે
કનક કોટ ને સમંદર ખાઈ
એની ભોમકા ભેળાણી…
ચેતન…
સગાળશા સરખા શેઠિયા‚
જેને ઘીરે સંગાવતી રાણી રે
સતને કારણિયે ચેલૈયો ખાંડયો‚
એને નયણે નાવ્યાં પાણી…
ચેતન…
ધ્રુવને અવિચળ પદવી દીધી‚
દાસ પોતાનો જાણી રે
રાજ અમરસંગ બોલિયા
ઈ અમ્મર રે જો વાણી…
ચેતન…