સરળ ચિત્ત રાખીને નિર્મળ રહેવું ગુજરાતી લિરિક્સ
Saral Chitt Rakhine Nirmal Rahevu (સરળ ચિત્ત રાખીને નિર્મળ રહેવું) Bhajan Lyrics is penned by Ganga Sati Panbai. This is prachin gujrati bhajan song sung by Damyanti Barot and music is composed by Arvind.
સરળ ચિત્ત રાખીને નિર્મળ રહેવું Lyrics in Gujarati
સરળ ચિત્ત રાખીને નિર્મળ રહેવું
આણવું નહીં અંતરમાં અભિમાન રે,
પ્રાણી માત્રમાં સમદૃષ્ટિ રાખવી
ને અભ્યાસે જીતવો અપાન રે
સરળ ચિત્ત રાખી
રજ કર્મથી સદા દૂર રહેવું
ને કાયમ કરવો અભ્યાસ રે
પાંચેય પ્રાણને એક ઘરે લાવવાં
ને શીખવો વચનનો વિશ્વાસ રે
સરળ ચિત્ત રાખી
ડાબી રે ઇંગલા ને જમણી રે પિંગલા
ને રાખવું સ્વરભેદમાં ધ્યાન રે,
સૂર્યમાં ખાવું ને ચંદ્રમાં જળ પીવું
ને કાયમ રહેવું રસમાણ રે
સરળ ચિત્ત રાખી
નાડી શુદ્ધ થયાં પછી અભ્યાસ જાગે
એમ નક્કી જાણવું નિરધાર રે,
ગંગા સતી એમ રે બોલિયા રે
ખેલ છે અગમ અપાર રે
સરળ ચિત્ત રાખી
